"ON" <O...@t...de> schrieb im Newsbeitrag
news:cijvjm$823$1@atlantis.news.tpi.pl...
>
> Użytkownik "budrys" <b...@t...de>
> napisał w wiadomości news:ciice3$uv6$07$1@news.t-online.com...
>
> [...]
>
>
> > Czesc;-)
> ___>
>
> Witom, Witom ;-)
>
> Budrysku piszesz mi tu tak :
>
> > Zarozkich pomiarkowol ze wiysz jak sie
> > wodziona robi abo oblaty;-)
> ___>
> ''wodzionka'' noo jasne ze wiym jak sie robi
>
> - zdradzymy grupie ta tajymnica ???
> no jasne ze zdradzymy ;-)
>
> - podstawowe skladniki do wodzionki to
> ''chlyb , czosnek i woda ''
> a reszta Ty im powiydz ;-)

A masło i maga to kay, w rzici?

> co zas sie tyczy z tym ''oblady'' tos mje zaskoczyl ;-(

Suchej, wciep se brele na łocy, ok pieruńsko ślepoto;-)
Kay żech napisoł ''oblady''no kay ?
Dyć sto i jak byk coch pisoł - "oblaty"- "t".
Jak fto to tak przełunacy jakeś to zrbioł no to jak giździe
mogesz wiedzieć co to oublat jak czytosz "oblady".

"OBLADY" to boła tako śpiywka;-)
Jak widzisz przed szynkiem napranego, ale fest, to godosz:
- O, wejrzyj jaki łon BLADY - mosz O, BLADY.
A sam niy o pysk idzie ino ło wafle.
Wiysz już tera gorolu co to ołblaty abo ublaty ale immer
mit "t"?.
Za bajtla żech je som robioł a potym łotwierołech łokno
i zarozki wszystkie bajtle z placu były pod łoknym a jo
im ciepoł te zrobione ublaty.

Mąka, woda i cuker - no i take 2 żelozne kronżki
misisz miec, co sie do kupy schodzom . Inokszy tych
ublatów niy zrobisz.
Ciepiesz między nie łyżkom ciasto i ściskosz je do kupy.
No i robi sie z tego ciynko wafla - słodko karlusie jak kusik łod
dziołchy.
Łaziołeś na zolyty to wiysz ło czym sam tera łosprawiom;-)

> no niewiym co to moze byc ;-(

Tera już wiysz gorolu?;-)))

> > Niy wiym ino czamu gizdzie poczta na priv mosz
> > felerno. Ty pewnikiem brifami w pingla grosz
> > i nazot mi je ciepiesz.
> ___>
> niiii
> jo mom normalnie strach na tej grupie cos pisac, bo jak
> co zle napiszesz to zaro mogesz dostac ''opierdol'' a po co
> mi to ;-)))

Ale czamu łodbijosz poczta?

> a tak moge se pisac co chca a dodatkowo zawsze
> moja tozsamosc moga se zmiynic ;-)))
> nii ?

Bawisz sie jak bajtel łopatkom, kibelkiem i pioskiym.
Myślołech coś chop a tyś ańfach bajtel;-)))))

> > > Budrys po naszymu ... - dupny jestes ;-)
> >
> > Mosz myjtermas co tak godosz?
> > Knefel to jo chyba niy je;-)
> _______
>
> Qrde mysla zech Cie tera dobrze zrozumiol :

Jakeś hanys to napewno.

> w doma mom myjtermas* i knefel**
> a Ty knefel nima zes
> yno ze jo napisol tak
> (- dupny jestes)
> to miolech na mysli ze fajny z ciebie chlop, chociosz czasami tez
> dupniesz*** jakis flek ;-)

Wiym, wiym.
Możno jo i dupca fleki ale bez fleków
musioł bych chyba na zachrystii robić.
A czowiek musi sie trocha pośmioć, niy?

> *myjtermas = miara
> **knefel = gozik
> ***dupniesz = strzelisz gafe lub cos w tym stylu

Trefiołś gynau.

W nagroda mosz sam to co byś sie pośmioł;-) :
________________________________________

Pan Hilary"
Loto, tyro pan Hilary. Na dekel mu piere
Bo kajś ten boroczek podzioł swoje brele.
Szuko w galotach, szaket obmacuje,
Obalo szczewiki, psinco znajduje.
Bajzel w szranku i w byfyju
Tera leci do antryju.
"kurde" - ryczy -"kurde bele!
Ktos mi rombnoł moje brele!"
Wywroco szislong i pod nim filuje,
Borok sie wnerwio, gnatów juz nie czuje.
Szturcho w kachloku, kopie w kredynsie,
Glaca spocona, caly sie czynsie.
Pieronskie brele na amyn kajs wcisnylo
Za łoknym juz downo blank sie sciymniło
Do żadła łoroz zaglondo Hilary
Aże mu po puklu przefurgly ciary.
Spoziyro na kichol, po łepie sie klupnoł,
Bo znodly sie brele - te, co tak ich szukoł.
Czy to niy jest gańba? -Powiydzcie sami,
Mieć brele na nosie a szukać pod ryczkami?
__________________________________


> pozdr. ON

budrys
_______________